Tawogar ƙwallon ƙafar Nijeriya, Super Eagles za ta yi wasannin sada zumunci da ƙasashen Columbia da Venezuela a watan Nuwamba.
A wata sanarwa da hukumar ƙwallon ƙafa ta ƙasa, NFF, ta fitar a yau Litinin, dukkan wasannin da a buga su ne a Amurka.
Sanarwar ta ce Nijeriya za ta kara da Venezuela a ranar 14 ga watan Nuwamba a filin wasa na Shell a garin Houston, jihar Texas, inda za a take wasan da ƙarfe 2 na dare a lokacin Nijeriya.
Sai kuma ɗaya wasan da Super Eagles za ta yi da Colombia a filin wasa na Citi Field Flushing Meadows, New York, a ranar 18 ga watan Nuwamba da misalin ƙarfe 1 na daren Nijeriya.
