Matatar man fetur ta Dangote ta sanar da dakatar da sayar da fetur da kudin Naira, matakin da ya tayar da hankalin ’yan kasuwa tare da haifar da sabbin damuwoyi kan farashin man fetur da matsin lambar musayar kudade.
A cikin wata wasikar imel da ta aike wa abokan cinikinta da misalin ƙarfe 6:42 na yammacin Juma’a, matatar man ta bayyana cewa wannan mataki zai fara aiki daga Lahadi, 28 ga Satumba, 2025, inda ta ce dalilin hakan shi ne ƙarewar rabon danyen mai da ake biyan kuɗinsa da Naira.
