An gurfanar da wani mutum a gaban kuliya a Florida na Amurka sakamakon zargin yanka tsuntsun Dawisu tare da yin dabge da naman.
Mutumin ya amsa laifinsa na yanka Dawisun guda biyu bayan bacin ran da ya samu da makwabciyarsa wacce ke ciyar da tsuntsayen shi kuma ya sanar da ita cewa sam baya bukatar ta rinka ba su abinci.
Tuni dai kotun Florida ta aike da mutumin gidan yari. Kotun dai ba ta kai ga tabbatar da makomar sauran tsuntsayen ba, kasancewar mutumin ya sha alwashin kashe su duka da zarar ya fito daga gidan yari idan har makwabtansa basu daina ciyar da su ba.
